MOKABAT sa 570 kinatibuk-ang indibidwal ang nasita ug napamulta sa kapulisan human naaktohang misupak sa mga ordinansa sa GenSan.
Kini dungan sa gipahugtan pa nga pagpatuman sa local police sa GenSan sa mga ordinansa sa siyudad.
Sa datus sa General Santos City Police Office (GSCPO), naa sa 75 katao ang nasakpang nagtagay sa pampublikong lugar.
Naa sa 32 katao ang nadakpang nanigarilyo sa public, usa ang nangihi sa ang naaktohang nangihi sa dalan.
Mokabat sa 430 ang nakasupak sa traffic code, 29 ang loitering o half naked ug tulo na minor ang nasakpang misupak sa curfew hours.
Misaka usab sa P245,000 kinatibuk-ang multa ang nakolekta sa LGU sa pagpatuman sa ordinansa gikan Setyembre 6 hangtud 13 ning tuiga.
Una nang, gibutyag ni Police Col. Nicomedes Olaivar Jr., director sa GSCPO nga gimandu na niya sa sakop ang pagpakusog pa sa pagpatuman sa lokal nga balaud sa GenSan. I Richel Gubalani
