DUNGAN sa resurgence sa gun-related killings sa GenSan nga gikalambigitan sa motorcycle- riding in tandem criminals.
Giangkon ni Konsehal Richard Atendido, chairperson sa committee on Peace and Order sa city council nga nagtuo siya nga dunay gun-for-hire sa siyudad.
Kini dungan sa paggula sa impormasyon nga gibayaran sa mastermind ang duha katao aron patyon ang usa ka babayeng negosyante.
Dungan usab kini sa pag-angkon sa mismong labaw sa GenSan City Police Office (GSCPO) sa presensiya sa gun-for- hire sa siyudad.
Apan giklaro ni Atendido nga sagad usab sa motibo sa maong pagpatay ang personal nga bangi.
Pahimangno niini sa mga indibidwal nga duna bahad sa kinabuhi nga gilayong makig-alayon sa kapulisan.
Kahibaloan nga gawas pagpatay sa negosyanteng babaye nakalabay’ng semana ug pagkamatay sa duha katao nga gitudlong gunmen sa pagpatay sa negosyante.
Gahapon sa buntag, naka-iskor ang riding in tandem criminal human gipusil-patay ang jambolero sa fishport. I Richel Gubalani
