GIPABALIK na sa ilang mga estasyon ang mga kapulisan nga gi-deploy sa 2024 Tuna Festival.
Kaganihang buntag sa Oval Gymnasium may briefing nga gipangunahan ni PCol Nicomedes Olaivar Jr. kuyog ang GSCPO Deputy City Director for Operation nga si PLt Col. Aldrin Gonzales.
Gihisgotan ang mga hagit sa festival unya ang mga kinahanglan palambuon pa sa sunod tuig.
Sama sa nakalusot nga nagdala og pack bag, may dalang lighter ug uban pa nga ginabwal sa sulod sa Oval plaza.
Nagsugod ang flea market kaniadtong Agosto 17, 2024 ug nahuman usab Setyembre 17.
Sumala sa mga vendor nga ginansyado usab sila ug wala silay reklamo kondili nisaludo pa sa serbisyo sa kapulisan.
Gipahayag usab sa labaw sa City Sports nga si Lady Manalo nga naga pasalamat usab kini sa malampuson nga Tuna Festival gumikan sa pagbantay sa kapulisan.
Sama kanila nga adunay inter barangay basketball competition ug uban pang mga padula atol sa Tuna Festival. I Ver Diazon
–
