Giatiman na karon sa mga doktor sa usa ka ospital sa Digos City ang upat ka security escorts human naaksidente ang ilang mobile patrol sa Sitio Lutangan,Brgy Kapatagan, Digos City, Davao del Sur alas-12:40 kagahapon sa udto.
Sumala kang PCol. Vici Anthony Tababa, hepe sa Digos City PNP, nawad-an og kontrol ang drayber sa mobile sa tungason nga bahin padulong sa Mindanao Training Center hinungdan nga naaksidente ug naangol ang mga sakay.
Ang mga biktima kabahin sa RMFB-11 nga gipamunuan ni Police Lt. Nico Avel Querubin nga nagsilbing security personnel sa pag-bisita ni Police General Guillermo Eleazar dinhi sa Davao Region.
Subay sa City Disaster Risk Reduction and Management Council nga igo lang sab nakalupad ang chopper nga gisakyan ni Gen. Eleazar dihang nahitabo ang disgrasya.
Sa pikas bahin, ipailawum sab sa operasyon ang usa ka sakop sa DCPO-Traffic Enforcement Unit (TEU) nag naapil sa nahitabong disgrasya sa miaging Huwebes sa Catalunan Pequeno.
Ang maong personahe ang matud pa kabahin usab sa escort sa PNP Chief dihang mibisita kinisa Davao City.
