Swerteng naluwas ang 4 ka mga indibidwal nga nalumos human nga nadala sa dagkong balud sa Baculin Cove Beach Resort, nga nahimutang sa Brgy. Baculin, Baganga, Davao Oriental sayo sa buntag niadtong milabay’ng Dominggo, Enero 28, 2024.
Sa report, bisan paman sa pahimangno sa tag-iya nga dili una paligoan ang maong resort, nangaligo gihapon ang tulo ka mga indibidwal ug nadala kini sa dagkong balud adtong higayuna.
Misulay pa sa pagluwas ang ang usa sa mga residente sa lugar apan naguba sa dakong balud ang bangka niini ug sa kakusog sa bul-og sa tubig hinungdan nga kalakip kining nalunod.
Paspas usab nga mirespondi ang Coast Guard District Southeastern Mindanao- Baganga ug malampuson niining naluwas ang 4 ka mga biktima.
