Nanindigan si dating Presidential Spokesperson Harry Roque na ‘honest mistake’ ang hindi niya pagdalo sa pagdinig ng House of Representatives noong Agosto 16.
Nilinaw ni Roque na wala siyang intensyon na hindi magpakita ng respeto sa Kamara, sapagkat dumalo siya sa tatlo sa apat na imbitasyon.
Dahil dito, inilarawan niyang ‘abuse of power’ at ‘political harassment’ ang 24-oras na pagkakulong sa Batasang Pambansa Complex matapos ma-cite in contempt.
Sinubukan ni Roque na iapela ang contempt order, ngunit sinabi ni Rep. Ace Barbers na mareresolba pa ito sa susunod na araw ng pagdinig.
