IKAUPAT na kahigayon nga nabiktima sa mga kawatan ang usa ka residente sa Purok Lower San Isidro, Barangay Baluan, Gensan asa natangag ang ilahang usa ka cellphone, kwarta ug mga gamit.
Matud pa ni Mercy Quizan, tungod sa kangitngit sa ilang kadalanan nagaagi ang mga kawatan sa ilang pader pasulod sa ilahang balay aron makapanguha og mga butang.
Hinungdan nga gipabutngan nila og CCTV sa kapulisan ang kadalanan sa maong lugar.
Samtang sa bahin sa hepe sa Lagao Police station nga si PMajor Ari Noel Cardos, gikuha nila sa ilang MOOE ang pondo alang sa pagpalit og cctv camera ug pinaagi sab sa tabang sa ilahang mga stakeholders.
Duha ka CCTV ang nataod karon sa Barangay Baluan, samtang ugma plano sab sa opisyal nga magbutang sa mga food stall sa Tiongson Street, Barangay Lagao ug uban pa nga mga strategic areas nga sakop sa Police station 3, tumong niini nga makakuha dayon ang kapulisan og basihan sa ilang pag imbestiga kung ugaling adunay mahitabong krimen sa ilang area of responsibility.
