Sinalakay ng mga tauhan ng Philippine Drug Enforcement Agency (PDEA), City PNP at Anti-crime Task Force (ACTF) ang dalawang unit ng temporary shelter sa Peneyra Rd. Brgy. San Pedro, Puerto Princesa City kagabi, ika-1 ng Agosto.
Nahuli umano sa akto roon na nagsesesyon ang apat (4) katao kabilang na isang lalaki at apat na kababaihan.
Sa ulat ng PDEA, ang mga naaresto ay sina (1) Roger Flores alias Kibor, 47-anyos, (2) Cris Garbo Dayap, 30-anyos, (3) Babyfin Toca Constantino, 31-anyos at Charlene Pomar Baillo, 32-anyos.
Nakuha sa target unit ang limang (5) sachet na pinaghihinalaang shabu na may market value na aabot sa P48,000.
Bago ito, una nang isinailalim sa surveillance ang dalawang unit matapos mamonitor ng mga naka-antabay na Anti-crime task force na labas pasok ang ibat-ibang tao roon ayon kay ACTF Director Richard Ligad.
Samantala, himas rehas na ang mga naaresto dahil sa kasong paglabag sa Republic Act 9165 (Comprehensive Dangerous Drugs Act of 2002).
