LEGAZPI CITY – Mahigot na pigmo-monitor ngunyan an duwang panibagong pigsususpetsaran na kaso nin pertussis o whooping cough sa terser distrito kan Albay.
Segun sa Provincial Health Office, hale an mga ini sa banwaan kan Polangui asin Pio Duran na tulos man suboot na inimbestigaran kan mga concerned na lokal na gobyerno katabang an Provincial asin Rural Epidemiology and Surveillance Unit.
Mientrastanto, huli kaini, luminangkaw na sa siyam an total na numero kan mga pigtutubudang kaso nin pertussis sa probinsya.