LEGAZPI CITY – Kadakol nin ley sa nasyon an dapat hilingon kan mga kongresista asin senador tanganing magin balanse an pagtao nin padusa sa tawo segun kay ACT CIS Cong. Erwin Tulfo.
Sa press conference na ginibo sa sarong hotel sa syudad nin Legazpi, sinabi ni Tulfo na saro digdi an kasong Reckless Imprudence Resulting in Homicide tanganing bako gabos na driver an mapapadusahan.
Dugang pa niya, dakol na mga driver an nakukulong sa nasambit na kaso na wara man nin kasalan. Saro su boot ini sa mga popokosan ni Tulfo asin tatawan nin atensyon.