GISUGDAN na sa siyudad ang inspeksyon sa mga negosyo nga nag-operate nga walay lisensiya o permits.
Matud ni Geraldine Zamora, labaw sa Business Permit and Licensing Division (BPLDO) milibot na inspection teams sa nagkadaiyang barangay aron sutaon ang operating business permit sa mga establisimento.
Tumong sa inspeksyon ang paggukod sa mga negosyo nga wala nakaparehistro o naka-renew og permit atol sa tinuig ug extension registration nga nahuman nakalabay’ng bulan.
Sa polisiya, ang tanang negosyo nga nag-operate nga walay permit nga giisyu sa LGU ang mahimo nilang ipasarado.
Mahimo pa nga moproseso og permit ang wala pa nakalukat apan dun ana kini penalties.
Apil sa inspeksyon ang negosyo nga dunay pagsupak ug pakyas maka-comply sa rekisitos sulod sa 90-day window period.
As of Marso 11, mokabat sa 10,485 permits ang na-release sa BPLDO, asa naa sa P238 milyon ang nakolekta sa gobyerno. I Richel Gubalani
