“In Brigada, excellence is not the end goal, rather it is our way of doing things, our way of life – the Brigada Way.” Kini ang gihatagan og dakong gimbug-aton ni Brigada Group Chairman- CEO Elmer V.Catulpos atol sa pagpresenta niini sa performance sa kompanya sa gipahigayong 1st Semester Town Hall Meeting, Lunes, Hunyo 6.
Gipresenta ni Catulpos, kung giunsa sa mga Brigada Business Units nga milampos, asa gihatagan og igong bili ang mga kalampusan ug mga handum sa umaabot nga katuigan, sama sa pagpahalapad sa mga negosyo ug pag-invest sa bag-ong proyekto aron masiguro nga ang GenSan mahimong sunod nga business hub sa Mindanao.
Subay niini, giawhag usab sa Ama ng Brigada ang mga empleyado nga matuman sa ilang matag papel ug palawman pa ang compassion aron makab-ot ang gitakda nga mga tumong.
Ang nahisgutang Town Hall Meeting ang gisalmutan sa tanang empleyado sa tibuok nasud via Zoom.
Gi-welcome usab ni Brigada Pharmacy President Ymeir Shann Catulpos ang tanan ug gipunting nga kamahinungdanon sa matarong, lawom nga kaluoy ug pagwagtang sa ego ug pagpahalapad sa padulngan nga destinasyon.
Gitubag usab sa Top Management ang mga pangutana gikan sa mga empleyado aron klaruhon ug matubag ang mga concerns.
Gihatagan usab og award ug recognition ang mga top performers ug gipangtas-an ang suhulan subay sa bag-ong gipatuman nga standardization.
Sa pagsirado sa event, si Brigada Executive Vice President Yelcy Yasay Catulpos, nanghinaut nga unsa mang nahitabo ug nahisgutan atol sa event ang makatabang sa paggiya sa Brigada ug iyang mga empleyado padulong sa destinasyon niini.
“We need to remain passionate in our service, relevant to the needs of those we serve and be a tool of happiness in the communities we are in,” segun ni YYC. Mitambong usab sa event si Rumor Superclub President Psalm Catulpos.
