PATAY ang 17 katao tungod sa dengue samtang liboan ang natakboyan sa mosquito-borne disease sa Soccsksargen, butyag sa regional health office official.
Sa datus nga gipagawas ni Dr.Dyan Zubelle Parayao, DOH-12 infectious disease cluster head mokabat sa 1,869 ang total dengue cases gikan Enero 1 hangtud Mayo 28. Apan kung itandi sa ihap sa kaso sa dengue sa mga nakalabay’ng tuig, mas ubos ang total dengue cases karon.
Sagad sa natakboyan sa dengue ang edad zero hangtud 10-anyos ug sagad nakaangkon sa sakit lalaki. Nakita usab nila nga nag-clustering na ang kaso sa dengue sa pipila ka barangay sa rehiyon. Gumikan niini, nagpahigayon na og massive anti-dengue campaigns ang mga provincial, city ug municipal health office aron pugngan ang posibleng outbreak.
Human misaka atong nakalabay’ng bulan ang ihap sa dengue cases sa above alert level threshold. Nagpahimangno usab ang opisyal sa mga residente nga manglimpyo sa palibot aron malikayan ang paghimo nga breeding sites sa mga lamok. I Richel Gubalani
