LEGAZPI CITY – Pigpapadagos sa probinsya kan Albay an Dairy Cattle Management sa sa pangengenot kan Albay Veterinary Office (AVO).
Sa presente, nasa panduwang wave na an training raisers kan nasambit na aktibidad na pinunan kan Martes, Nobyembre 14 sa Farmer’s Auditorium, Cabangan Camalig kan nasambit na probinsya.
Obheto kaining magtao nin kaaraman sa mga dairy cattle farmers asin enthusiasts, magtao nin tamang kasanayan sa pag-optimize kan dairy cattle productivity, asin mapakarhay pa an farm sustainability para sa responsableng produksyon kan mga dekalidad na produkto nin paggibo nin gatas sa probinsya.
Segun kay Dr. Manny Victorino, Division head of Animal Health and Regulatory Services, saro sa mga rason kun nata sinda nagsagibo kaini huli ta nahiling nindang kulang an dairy milk production sa probinsya, kaya pigtawan ninda nin dugang pang kaaraman an mga dairy cattle farmers para sa saindnag community support system.
