MISAKA na sa 169 ka inmates sulod sa General Santos City Jail sa Lanton, Barangay Apopong ang nakadawat og bakuna kontra Covid-19. Matud ni Jail Inspector Marivic Rivera Verona, bag-ong warden sa female dormitory naa sa 22 ka Person’s Deprived of Liberty (PDL).
Ang bakunahan gamit ang Janssen vaccine isip A3 o adult with comorbidities. Kini gikan sa 138 kinatibuk-ang female inmates. Gikan sa kapin kulang usa ka libo nga male PDL sa City Jail naa sa 147 ka senior citizens ug adult with comorbidities ang nabakunahan na.
Butyag ni Jail Supt. Mitz Melton Placencia, jail warden ang Janssen vaccine ang gigamit nga bakuna alang sa mga inmates. Apela ni Verona nga mabakunahan na ang tanang inmates babae man o lalaki sulod sa City Jail.
Kahibaloan nga bawal gihapon ang ang pagbisita sa mga dalaw sulod sa pasilidad ug pabiling telehearing ang paagi nila aron makatambong sa pagdungog ang mga piniriso. ( Richel Gubalani)
