Tinakawan ru sangka RTW Stall sa Sitio Libtong, Estancia, Kalibo, Aklan.
Sa imbistigasyon, nag report sa Kalibo Municipal Police Station ru biktima nga indi gustong maisapubliko ru pangaean, sangka 25 anyos.
Eagi man nga nag himo it operasyon ru Kalibo MPS ag pina agi sa CCTV camera, nakilaea ru suspek nga si Joven Diero, 40 anyos , residente it Ureta Road Brgy. Andagao, Kalibo, Aklan.
Suno sa biktima, nakita na nga nag pondo ru motorsiklo nga gina maneho ni Reymar Ortega alyas White angkas ru suspek.
Nabuoe it suspek ru kabakeanan nga naga balor it P1,000 nga naka tago sa kaha ag gulping pumanaw sa lugar.
Na aresto ru suspek ag presente makaron nga naka hunong sa Kalibo MPS ag maga pangatubang it kasong Theft.
Samtang, padayon pa nga gina usoy it mga kapulisan ru driver it motorsiklo matapos maka paeagyo.//MARIVIC Y. ILIN
