Pormal nang giila sa Regional Oversight Committee Barangay Drug Clearing Program (ROCBDC) ang 14 ka barangay nga sakop sa San Isidro, Davao Oriental isip drug-cleared barangay.
Unang gideklara sa ROCBDC sa pagpangunani PDEA-XI Regional Director Aileen Lovitos ang lima sa milabayng Agosto 23, 2021 nga gilangkuban sa Barangay Cambaleon, Lapu-Lapu, Maag, Maputi ug Sudlon.
Sunod nga gideklara ang syam ka barangay sa Mati City nga gilangkuban sa Barangay Danao, Culian, Don Enriquez Lopez, Don Salvador Lopez, Lanca, Libudon, Mamali, Sanghay ug Tamisan.
Human giagi sa hugot nga delibirasyon ug validation ang mga dokumento nga gisumite sa maong mga barangay nagkahiusa ang subay sa Dangerous Drugs Board nga ilhon sila isip drug cleared.
Lakip sa mga ahensya sa gobyerno nga nagsusi sa mga papeles mao ang Department of Interior and Local Government isip Vice-Chairperson, Police Regional Office XI, Department of Health ug Local Government Units.
