NAGA CITY- Pinapayagan na muling makapasok sa mga enclosed establishments ang mga batang edad 12-17 anyos sa Naga City.
Ito ang nakapalaman sa Executive Order No. 2022-006 ni Mayor Son Legacion. Epektibo ito simula noong Sabado, Pebrero 12, 2022.
Kailangan lamang ipresenta ang vaccination card, ESalvar QR ID at Identification Card sa mga enclosed commercial, public at private establishments maging sa mga pook dalasan , simbahan o sambahan.
Nakasaad sa kautusan ng Inter- Agency Task Force National na kung bumababa ang kaso ng COVID-19 maaari naman itong gawin. Mababatid na matapos ang Holiday Season ay isinailalim sa Alert Level 3 ang Naga nang marami ang maitalang tinamaan ng virus, subalit nitong mga nagdaang linggo bumababa ang kaso.
Malaking bagay ito ayon sa alkalde para sa ekonomiya at mental health.
