KORONADAL CITY- BUKAS na muli ang zipline sa Seven Falls sa bayan ng Lake Sebu.
Batay sa advisory ng Seven Falls Project Management Unit, natapos na ang isinagawang cable maintenance check up sa zipline at handa na ang mga ito na tumanggap ng mga bisita at zipline riders.
Napag-alaman na pansamantalang ipinasarado ang zipline upang masuri ang mga kable at masiguro ang safety ng mga turista na sumasakay dito.
Samantala, nagbabala naman ang pamunuan ng Seven Falls sa lahat na maging vigilante at mag-ingat lalo na’t may mga nangyayaring minor landslide sa ilang lugar sa Lake Sebu partikular sa daan papunta sa zipline area.
