KORONADAL CITY- MAGSASAGAWA ang T’Boli Municipal Civil Registrar’s Office ng Mobile Birth Registration sa iba’t ibang mga barangay sa naturang bayan.
Layon nito na marehistro ang mga unregistered na mga indibidwal at maabot ang zero unregistered birth.
Napag-alaman na lumagda sa Memorandum of Agreement o MOA ang LGU T’Boli at Philippine Statistics Authority o PSA Region 12 para sa 4,309 na mga benepsiyaryo ng libreng birth registration at pagkuha ng certificate of no record sa ilalim ng Birth Registration Assistance Program.
Sa datos ng PSA 12, umabot sa 175,000 na mga mamamayan sa rehiyon 12 ang target nila na marehistro ng libre at mabigyan ng birth certificate.
Prayoridad sa naturang programa ang mga marginalized sector katulad ng mga Indigenous People o IPs.
