Nakarekord it 630 nga mga kaso it maeain-eain nga mga variants it COVID-2019 virus ro Western Visayas.
Base sa datos it Regional Epidemiology and Surveillance Unit ng Department of Health (DOH) ku Nobyembre 1, 542 nga mga kaso it meain-eain nga mga variant ro nadetect sa rehiyon.
Sa breakdown it mga kaso, 311 dikara hay Delta variant, 113 ro Alpha, 114 ro Beta, 90 ro Theta (P3), tig-sambilog nga kaso man ro Gama ag Lambda variant. Samtang, uwa it nairekord nga kaso it Mu variant sa rehiyon.
Ro mga variant nga Alpha, Beta, Gamma, ag Delta hay na-classify bilang “mga variant of concerns” bangud mas madali ag madasig raya nga magkaeat kaysa sa ibang mga variant it COVID-19 infection.//JIL B. LACSON
