Arestado ang isa ka welder matapos ginkasahan sang Drug buy-bust operation sang gintingub nga pwersa sang Capiz PPDEU, Pontevedra MPS kag Pres. Roxas MPS sa Brgy. Tacas, Pontevedra takna alas 9:31 kagab-i sang Huwebes, Setyembre 21.
Ginkilala ang nadakpan kay Roland Bermejo, 37-anyos, isa ka Street Level Individual (SLI) kag residente sang Brgy. Inzo Arnaldo, Roxas City, Capiz.
Narekober sa paghinakop ni Bermejo ang lima ka sachets sang ginasuspetsahan shabu lakip na ang nabakal sang police poseur buyer, P6,500 nga buy-bust money, 1 unit cellphone, belt bag nagaduag itom kag 1 unit motorsiklo.
Ginabanta nagabug-at sang 25 gramos ang nakumpiskar nga iligal nga droga kag nagabalor tanan sang P170,000.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 si Bermejo.
Sa karon, nagapabilin sa kustodiya sang Pontevedra PNP ang suspetsado para sa nagakaigo nga disposisyon. | Judy Ann Juare
