TUGPA sa bilangguan ang duha ka construction workers nga nadakpan atol sa gilusad nga drug buy bust operation sa mga personahe sa Baliok Police Station alas-6:24 sa gabii sa Block 26 Lot 3 Rosalina 3, Barangay Baliok ning syudad.
Ang mga dinakpan nailang sila Eairven Jhames Gamorot Ampalid Alias “Ervin”, 21 anyos, ulitawo ug Eduard Jhon Gamorot Ampalid Alias “Dboy”, 27 anyos, ulitawo ug puros construction worker nga susamang residente sa Block 26 Lot 3 Rosalina 3 Brgy. Baliok.
Nakuha sa posisyon sa mga suspek nga gikonsiderang Street Level Individuals ang gibana-banaan nga mutimbang sa 2.5 gramos sa gituohang shabu nga dunay Dangerous Drugs Board Value nga Php 17,000.00 ug pinaugang dahon sa marijuana nga anaa sa 5 ka gramo nga mubalor sa P600.00.
Kasong kalapasan sa R.A 9165 ang atubangon sa mga dinakpan.
