Nadakpan sang mga kapulisan ang isa ka lalaki nga wanted sa probinsya sang Antique sa Brgy. Guintas, Sigma, Capiz takna alas 11:30 kahapon sang Huwebes, Setyembre 21.
Ginkilala ang akusado kay Junmar Abal Arcelis, 35-anyos, residente sang Brgy. Tawog sa nasambit nga banwa.
Nagapangatubang sang kaso nga Frustrated Murder si Arcelis.
Ang warrant of arrest ang gin-isyu kag ginpermahan ni Judge Josefina Fulo Muego sang Regional Trial Court, 6th Judicial Region, Branch 13, Culasi, Antique napetsahan Setyembre 20, 2023.
Ginrekomendar sang korte ang piyansa nga nagabalor sang P200,000 para sa temporaryo nga kahilwayan sang akusado.
Sa karon, nagapabilin ini sa kustodiya sang Sigma PNP para sa nagakaigo nga disposisyon. | Judy Ann Juare
