Tugutan na sa lokal nga panggamhanan ning syudad sa Davao ang pagpahigayon og face-to-face classes alang sa public ug private schools gikan Kindergarten hangtud postgraduate studies.
Kin subay sa gipagawas nga Executive Order sa City LGU kagahapong adlawa diin dili na babagan sa kagamhanan ang mga eskwelahan nga magpahigayon niini kini gumikan sa aktibong vaccination rollout ug padayon nga pag-ubos sa mga natala nga natakdan sa virus.
Gipunting usab sa mando ang taas nga ihap sa mga nabakunahang residente busa wala nay angay kagul-an sa pagpadayon sa academic instructions sa mga estudyante.
Gitataw usab nga kinahanglan hugot pa gihapong sundon ang Minimum Public Health Standard sama sa paggamit og face mask ug physical distancing atol sa face-to-face classes.
Sa pikas bahin, giklaro usab ni Department of Education (DepEd) XI spokesman Jenielito Atillo, kinahanglan validated una ang tulunghaan kung compliant ba sila sa mga lagda alang sa safety assessment rule nga gitakda sa kagawaran sama sa kaandam sa mga pasilidad, mga magtutudlo ayha tugutan nag makapahigayon sa new normal set-up classe.
Duna usab matud pay written consent gikan sa mga ginikanan kung tugutan ang mga bata nga mosalmot face-to-face learning modality.
