Nagsasagawa ang Department of Trade and Industry-Isabela ng weekly monitoring sa mga establishimentong sakop ng ahensiya na nabigyan na ng safety seal certification.
Sa panayam ng 92.9 Brigada News FM Cauayan kay DTI-Isabela Provincial Director Winston Singun, bagaman bago pa lamang ang programa sa pagbibigay ng safety seal sa mga tindahang sakop ng ahensiya ay marami pa rin ang nais na mag-apply nito at naging maayos naman ang tugon dito ng mga negosyante.
Sa katunayan aniya ay nabigyan na rin ng safety seal ang mga tindahang kabilang sa minomonitor ng ahensiya kada linggo habang hinihikayat pa na mag-apply ang iba pa.
Sa ngayon sa halos 100 na nag-apply para sa safety seal ay 30 na sa mga ito ang naaprobahan at nabigyan ng certification na magtatagal sa loob ng 6 na buwan.
