SORSOGON CITY – Tinatayang aabot sa 95.4% ang ambag ng Transport Sector sa pagbaba ng antas ng inflation rate ng bansa sa buwan ng Hunyo nang kasalukuyang taon.
Sa impormasyong nakuha ng Brigada News FM-Sorsogon sa isinagawang Press Conference ng Philippine Statistics Authority (PSA), inilahad ni National Statistician and Civil Registar Dennis S. Mapa na mula sa 16.5% inflation sa transport noong buwan ng Mayo, bumaba ito ng 9.6% nitong Hunyo.
Paliwanag ng opisyal, naitala ang mababang inflation sa transport sector dahil sa pagbaba sa halaga ng pamasahe sa tricyle at presyo ng produktong petrolyo kung saan mula 38.8% na inflation sa pamasahe ng tricyle noong Mayo ay bumagsak ito sa 17.6 % inflation sa buwan ng Hunyo.
Habang sa mga produktong petrolyo naman ay bumaba ito sa 21.5% noong Hunyo mula sa dating 33.0% inflation na naitala noong Mayo.
Tinitingnan namang dahilan sa pagbaba ng pamasahe sa tricycle sa bansa ay ang pagpayag sa dalawang sakay.
