GIPASAKAAN na og kaso sa kapulisan ang usa ka lalaki human naimbargohan og armas atol sa operasyon.
Una nang, giila sa rekord sa Fatima Police Station ang dinakpan nga si alyas Warshock, 40-anyos, nagpuyo sa Barangay Fatima, GenSan.
Kahibaloan nga gironda sa sakop sa Fatima Police Station ang panimalay ni alyas Warshock ug narekober ang .38 revolver nga armas.
Matud ni Police Major Ian bagot, hepe sa presinto sa lugar gipangetaan nila og dokumento sa pusil ang dinakpan apan pakyas kining makapakita og pamatuod nga legal ang paghupot niini sa armas.
Kasong pagsupak sa Republic Act 10591 Comprehensive Firearms and Ammunition Regulation Act ang giatubang sa dinakpan. Ang operasyon ang dungan sa gipakusog nga kampanya sa kapulisan batok loose firearms, dugang ni Bagot. I Richel Gubalani
