NAHARANG sa police checkpoint ang usa ka delivery rider human nga nisulod kini sa usa ka barangay ug kadudahan ang mga lihok, Hulyo 23 sa buntag.
Sumala kay PCpl John Mark Alacayac sa 1st SPMFC 2nd Mobile Platoon nga nagtimbre kanila ang usa ka konsehal sa Brgy.Tokawal mao nga ilang gibantayan ang pag-agi sa kolor yellow nga motorsiklo.
Ang naharang mao si Michael Tumilap, 44-anyos nga taga Koronadal City apan temporaryo nga nagpuyo sa Barangay Baluntay, Alabel, Sarangani Province.
Wala sumala pa nakapakita sa iyang papelis sa motorsiklo unya sa pag kapkap nakuhaan pa og suspected sachet sa gidili nga druga, mao nga gitugyan sa Alabel PNP alang sa husto nga disposisyon. I Ver Diazon
