Arestado it mga kapulisan ru akusado sa kasong carnapping sa Oyotorong St., Kalibo, Aklan.
Nakilaea ru akusado nga si Sherwin Reyes, Jr., 22 anyos ag residente it Brgy. Dongon West, Numancia, Aklan.
Gin serbe ru warrant of arrest sa akusado it gin sanib nga pwersa it Kalibo Municipal Police Station, INTEL Operatives, PHPT-AKLAN, PSMS ag CIDG-AKLAN nga permado ni Hon. Jimena Abellar Arbis, Presiding Judge, Regional Trial Court, Kalibo, Aklan, 6th Judicial Region. Branch 6 nga may petsang October 12, 2021.
Ru akusado hay naga pangatubang it kaso sa paglabag sa Republic Act no. 10883 o New Carnapping Law of the Philippines.
Naga balor it Php 300,000.00 pesos ru piyansa nga gin taeana it korte para sa temporaryong kahilwayan it akusado.
Sa kustodiya makaron it Kalibo MPS ru akusado ag nakataeana nga iga turn-over sa korte nga natungdan.//MARIVIC Y. ILIN
