Arestado ro sangka most wanted person it Pototan Municipal Police Station sa ginpatigayun nga operasyon it mga otoridad sa Brgy. Manocmanoc sa isla it Boracay makarun nga adlaw.
Sa report, gin-aresto ro wanted person nga si Aaron Abalajon, 38yo ag residente it Sitio Lugutan Brgy. Manocmanoc sa isla.
Ginserbi kay Abalajon ro warrant of arrest para sa kaso karang murder nga gin-isyu ni Hon. Domingo Casiple, Assisting Judge it 6th Judicial Region, RTC Branch 68 it North Dumangas, Iloilo.
Owa it ginrekomendang piyansa para sa kahilwayan it suspek nga sa kustodiya eon makarun it Kalibo PNP. / ANN DESLENE SALAZAR
