NUMANCIA, AKLAN — Arestado ro waeong katawo bangud sa illegal nga bueang sa Barangay Aliputos, Numancia, Aklan.
Ginkilaea ro mga inarestong sanday Roberto Arias 48yo, Andypel Geromo 38yo parehung residente it Brgy. Bagto, Lezo, Jury Cris Olid 26yo, Felbert Constantino 29yo parehung residente it Brgy. Marianos, Numancia, Aklan; Earl Kenneth Fuentes 29yo, Mark Tarantan 27yo, Bryan Bustilla 27yo parehung residente it Laguinbanua West, Numancia ag Lloyd Iguban 45yo it Dongon West, Numancia.
Narekober sa mga raya ro ap-at nga buhi nga manok nga pang bueang, daywa ka bueang ag pusta nga P25,759.
Gin-inquest man eagi ro mga naaresto ag ginpasakaan it nagakaigu nga kaso. / ANN DESLENE SALAZAR
