KALIBO, AKLAN — Arestado ro daywa ka eaeaki sa ginpatigayun nga drug buybust operation nga ginpatigayun it PDEU ag Kalibo PNP sa sangka lodging house iya sa banwa it Kalibo.
Ginkilaea ro mga inarestong sanday John Michael Pedad 22yo ag Rodbelle Dasas 29yo nga parehung mga taga Roxas City.
Gin-aresto ro mga raya sa sueod it sangka lodging house matapos mabakean it sangka poseur buyer it sangka sachet it suspected shabu nga nagabalor it P3,000.
Sa report, naaktuhan pa ro mga raya nga nagagamit it illegal nga droga.
Paga pasakaan man ro mga arestado it nagakaigu nga kaso. / ANN DESLENE SALAZAR
