KALISOD ang resulta sa nahitabong sunog sa palengke sa Gensan alang sa mga apektadong vendors.
Sumala sa usa sa mga nasunogan nga si Hanif Abalos, wala pa sila makabalik sa pagpamaligya sa ilang pwesto tungod wala pa sila nahuman sa pagpanday sa ilahang tindahan nga naugdaw sa sunog kaniadtong Setiyembre 6 nga mikabat sa P200K ang kinatibuk-ang damyos sa nasunog nga tulo ka tindahan.
Nag-iyahay na lang sila sa pagsugakod sa matag-adlaw nga panginahanglanon samtang wala pa makabalik sa pagnegosyo ug giangkon niini nga nalisdan usab sila sa pagpangita og kapital human sa maong trahedya.
Gibutyag ni Abalos, luyo nga naghatag og bugas, delata, ug mga gamit ang barangay council sa South ngadto kanila apan dili kini paigo sa matag-adlaw nga panginahanglan busa sa karon padayong naningkamot ang matag usa aron makabawi sa nasunog nga kapital. END | ENAMIE MOGPON
