GIAWHAG sa kapulisan sa Polomolok Municipal police station ang tanang drayber ilabi na mga motorista nga maghinay-hinay sa pagpadagan og motorsiklo o unsa man nga klase sa sakyanan aron dili mabutang sa alanganin ang kinabuhi.
Matud sa hepe sa presento nga si PLt. Col. Peter Pinalgan Jr. importante nga mahimong alerto sa kadalanan ug kanunay musunod sa balaod trapiko, likayan ang pag-overtake kung alanganin ang dalan ug siguruhon nga kondisyon ang lawas bag-o mobiyahe aron makalikay sa insidente sa bangga.
Giangkon sa opisyal nga lapad na ang mga highway sa Polomolok ug buot sa mga otoridad nga padayong mutuman ang mga drayber sa balaod trapiko ug mahimong defensive driver.
Ang pahimangno sa kapulisan human sa pagkamatay sa usa ka motorista human mabanggaan og truck sa National highway, Koronadal proper, Barangay Crossing Palkan, Polomolok South Cotabato.END| ENAMIE MOGPON
