Nagbenta ng 24.95 toneladang ginto ang Bangko Sentral ng Pilipinas (BSP) mula Enero hanggang Hunyo ngayong taon, na nagbawas ng reserbang ginto ng bansa ng 15.69% sa 134.06 tonelada.
Ayon sa BestBrokers, isang online aggregator, ito ang pinakamalaking pagbebenta ng ginto sa mga bansang nag-ulat ng kanilang mga aktibidad sa World Gold Council (WGC) sa unang kalahati ng taon.
Sinundan ito ng Thailand na nagbenta ng 9.64 tonelada (bumaba ng 3.95%), Uzbekistan na nagbenta ng 6.22 tonelada (bumaba ng 1.67%), Mongolia na nagbenta ng 1.33 tonelada (bumaba ng 22.06%), at Singapore na nagbenta ng 1.18 tonelada (bumaba ng 0.51%).
Ayon sa BSP ang pagbebenta ng kanilang mga ginto, na sinasabing ito ay bahagi ng kanilang “aktibong estratehiya sa pamamahala” ng reserbang ginto ng bansa.
Sinamantala umano ng BSP ang mas mataas na presyo ng ginto sa merkado upang makalikha ng karagdagang kita nang hindi isinasakripisyo ang pangunahing layunin ng paghawak ng ginto, na kung saan ay insurance at kaligtasan.
