Ipinadala na sa mga eksperto sa United Nations Children’s Emergency Fund (UNICEF) ang mga COVID-19 vaccine doses na naapektuhan ng aberya sa storage sa Muntinlupa City para malaman kung pwede pa itong maiturok sa tao.
Ayon kay Health Undersecretary Maria Rosario Vergeire, dapat hintayin ang report ng UNICEF.
Aniya, nakikipag-coordinate na ang DOH sa organisasyon para malaman natin kung magagamit pa ba ang mga nasabing vaccine doses.
Mababatid na noong July 15, pansamantalang sinuspinde ng Muntinlupa City Government ang pagbabakuna kontra COVID-19 sa Festival Mall vaccination site dahil nabago ang temperatura sa facility na posibleng makaapekto sa kalidad ng mga bakuna.
Sa inisiyal na imbestigasyon ng DOH, sinabi ni Vergeire na may kabiguan pagdating sa maayos na paglalagak ng mga vaccine doses.
Una nang sinabi ng gobyerno na sinusubukang wag masayang ang mga vaccine doses dahil sa limitadong suplay.
