Inilunsad ng Mexico LGU ang vaccination for all o bakuna para sa lahat.
Sa kanilang pabatid kaninang umaga, nakasaad na pwedeng mag walk-in ang sinumang 18 anyos pataas na nais magpabakuna sa Mexico Community Hospital.
Bukas umano ito sa lahat maging sa mga indibidwal na mula sa ibang munisipyo.
Isasagawa ang vaccination mula Lunes hanggang Byernes, alas-otso ng umaga hanggang alas-kwatro ng hapon.
Samantala, layunin umano nitong makatulong ang bayan para mapabilis ang vaccination roll-out kontra Covid-19 sa lalawigan ng Pampanga.
