Tiniyak ni President Joe Biden kay Ukraine President Volodymyr Zelenskiy na magpapasya ang America at mga kaalyadong bansa kung mas lalala ang panghihimasok ng Russia.
Ang pahayag ay ginawa ni Biden ilang araw matapos ang ikalawang pulong nito kay Russian President Vladimir Putin.
Sinabi ni White House Spokesperson Jen Psaki na nagkausap na sina Biden at Zelenskiy tungkol sa paghahada sa serye ng mga susunod na diplomatic meetings para matugunan ang krisis.
Sa kabilang banda, kinumpirma ni Zelenskiy sa twitter na napag-usapan ang mga joint actions para masiguro ang kapayapaan sa Europa at maiwasan ang posibleng paglala pa ng tensyon.
Dagdag nito, ang unang pag-uusap nila ng Pangulo ng US ngayong taon ay patunay ng special nature ng relasyon ng dalawang bansa sa pagpapanatili ng kapayapaan sa Europa.
