Napilian sang US Peace Corp ang Roxas City nga buligan nga mapaayo ang
Disaster Preparedness, Emergency Response kag Climate Change Adaptation sang syudad.
Ginkalipay man ni Mayor Ronnie Dadivas ang pagbisita kag personal sini nga naistorya si Ms. Khristale Del Rosario halin sa Response Program sang US Peace Corp angut sa mangin partnership sang syudad sa ila nga programa.
Nagapati si Dadivas, nga daku ang mabulig sang programa sang US peace corp sa aton syudad bangud sa ila malapad nga ihibalo ukon expertise agud masolusyunan kag malikawan ang daku nga halit sang mga kalamidad kag iban pa nga environmental issues kag concerns.
Mahibaluan nga ang US Peace Corp sa idalom sang administrayon ni US President Joe Biden ang magapadala sang International Peace Corp Response Volunteers sa Roxas City sa maabot nga mga inadlaw agud magbulig kag magtudlo nahanungod sa Disaster Preparedness, Emergency Response kag madamo sang iban pa. | Judy Ann Juare
