Ginkilala sang non-government organization nga Cameleon ang Municipal Social Welfare Development Office sang Dao bilang best partner sang ila organisasyon.
Bangud sa madasig nga pag-refer sang mga kababaihan nga nabiktima sang pagpang-abuso sa nasambit nga NGO, paghatag sang financial support kag aktibo nga pagmonitor sang MSWDO sa over-all health status sang mga ginarefer nga pasyente rason nga sila ang ginkilala.
Ini ang ginpangunahan ni Mrs. Wildevina Jolampong kag sa administrasyon ni Mayor Jose Jimbo Barruela bilang best partner.
Isa ini ka patimaan nga ang gobyerno-lokal sang Dao pinaagi sa MSWDO nangin madasig sa paghatag sang aksyon para maprotektahan ang tawhanon nga kinamatarong sang mga kababaihan batuk sa tanan nga sahi sang pagpang-abuso.
Ang award ang ginbaton ni Mrs. Wildevina Jolampong kag Ms. Kimberly Entong sa awarding ceremony sa CAMELEON office sa Passi City. | Judy Ann Juare
