Kinondena ni Ukraine President Volodymyr Zelensky ang desisyon ng NATO na i-ruleout ang pagpapatupad ng no-fly zone sa kanilang bansa.
Sinabi ni Zelensky na dahil dito, naniniwala siyang nangangamba ang NATO countries na posibleng maudyukan ang Russia na ibaling sa NATO ang pagsalakay kapag kumilos ang mga ito.
Inihayag ng NATO na wala sa option ng kanilang alyansa sa ngayon ang no-fly zone sa Ukriane
Una kasi nito ay inihayag ni US Secretary of State Anthony Blinken na ang pagpapatupad ng no fly zone sa Ukraine ng US at ng NATO allies ay posibleng magdulot ng full-fledged war sa Europa.
Sinabi ni Blinken na tuloy naman ang pagtulong ng Washington sa Ukrain sa pamamagitan ng pagbibigay ng mga kailangan nito para maidepensa ang sarili mula sa Russian aggression.
Samantala, sinabi naman ni European Council President Charles Michel na ipinauubaya nila sa NATO ang pagpapatupad ng no-fly zone sa Ukraine.
