Hubas ang kinabuhi sa usa ka lesbian human kini naghikog kagahapon sa buntag sa iyang boarding house sa Toril ning syudad.
Ang biktima giila nga si Alyas Garda, gwardiya sa remittance center nga nakit-an na lamang nga nagbitay sulod sa girentahang lawak nga gidali og dala sa Malta Hospital apan wala magdugay og nahutdan sa ginhawa.
Sumala sa kauban sa trabaho sa gwardiya, nga naghatud pa og balloons ang biktima sa ilang area manager sayo sa buntag kagahapon dayon miuli ug mao na lamang Nakita sa iyang ka-boardmate nga nagbitay gamit ang duyan.
Dugang pa nga posibleng wala na naantos sa biktima ang mga suliran sa iyang kinabuhi ug nakapasamot pa ang problema sa iyang mga ka-relasyong babaye.
Matud pa nga duna kini duha uyab, ang usa duha ka tuig na nga atua sa Maynila samtang ang usa kapin bulan pa lang nga maoy iyang gikauban kagabie ug iyang gikalalis ug kadlawon kagahapon nadunggan sa iyang ka-boardmate nga dunay nakaaway ang biktima nga iyang ka-video call nga gitoohang iyang uyab.
Sa karon gipangita na ang cellphone sa biktima aron masusi ang posibleng mga hinungdan sa iyang paghikog samtang mibiyahe na ang iyang inahan gikan sa Cagayan de Oro City aron kuhaon ang patayng lawas nga nagpabilin pa karon sa Malta Hospital. BNFM-DAVAO
