Patay ang usa ka motorista human mibangga sa center island ug nibangga sa Isuzu elf reefer van truck alas dos sa hapon kagahapon sa National Highway sa Brgy. Zone II Sta.Cruz, Davao del Sur.
Ang elf truck gimaneho sa usa ka Jose Carlo Manalaysay Apila, 35 -anyos minyo nga nagpuyo sa Prk.4 Sitio Santol La Filipina, Tagum City samtang ang motorsiklo gimaneho sa usa ka Crisanto Tongon Talima, 45-anyos nga residente sa Trading Boulevard Barangay 37-D, Davao City.
Sumala pa nga padulong sa South nga bahin ang elf truck samtang ang motorista sa norte nga bahin apan pag-abot sa lugar nahitabuan mibangga ang motorsiklo sa signage sa center island nga misirko padulong sa gilatas sa dakong sakyanan.
Nabagnos sa sementadong dalan ang motorista nagresulta sa grabeng mga samad ug bali sa lawas nga daling gidala sa MARPE Hospital apan gideklarang dead on arrival sa attending physician.
Ang mga sakyanan nga nalambigit nakaangkon og dakong kadaot samtang ang drayber nga si Apila temporaryo unang gikustudiya sa Sta Cruz. Police Station.BNFM-DAVAO
