Wala pay plano ang lokal nga panggamhanan nga lugwayan ang implementasyon sa Executive Order 31 (EO 31) nga mahuman sa Agosto 31, 2021.
Kahibaluang ubos sa EO 31 gidili ang pagpahigayon og mga aktibidad sa mga pampublikong opisina; barangay, local ug national government offices, lakip government-owned and controlled corporation (GOCC) dinhi sa Davao City.
Kini maglangkob sa in-person non-essential events sama sa government-organized activities inauguration, anniversary, thanksgiving, ribbon-cutting, blessing, turnover, launching programs, oath-taking, photo opportunity, retirement honors, welcome honors testimonial programs, summer outing, ug team building nga gisugdan niadtong May 26, 2021 hangtud August 31, 2021,
Una nang gibutyag ni Mayor Sara Duterte-Carpio nga mamahimo nang magplano ang mga buhatan sa gobyerno nga dunay naoktabang aktibidades sama sa examinations, Comelec registration, national ID registration. Apan pahinumdom sa alkalde nga kinahanglan pa gihapon nga sundon sa mga nahisgutan ang minimum public health standards.
