Gi-relibohan ang tanang 30 ka mga personnel sa Police Station 1 sa dakbayan sa Mandaue tungod sa kapakyas sa pag-comply sa intensified cleanliness policy (ICP) ni Philippine National Police (PNP) Chief Gen. Guillermo Eleazar.
Giingong gitinguha nga makab-ot niini mao ang pagsiguro nga limpyo ang tanang PNP precincts, stations ug offices.
Matud ni Police Regional Office 7 Director Brig. Gen. Ronnie Montejo, nga ang mga sakop sa National Internal Affairs Service mi-inspeksyon sa maong estasyunan ug nasuta nga dili lang kini hugaw sa gawas, apan, hugaw usab ang sulod sa buhatan.
Sa gawas sa police station, adunay mga nagkatag nga hugaw sa iro, ug aduna usab daghang hinayhay.
Giingong mi-isyu sila ug warning sa wala pa ang gihimong inspeksyon, apan giingong wala kini gi-seryoso ni Maj. Eric Gingoyon, ang hepe sa maong police station.
Lakip usab sa mga relibohan ang mga sakop sa City Mobile Force Company, diin tanan, kasamtangan unanng gi-destino sa holding unit sa Mandaue City Police Office (MCPO).Gawas sa pagpa-ubos sa transformation program, gikinahanglan usab nilang limpyohan ang nagkadaiyang mga police station sa syudad matag buntag aron makat-on sila sa paglimpyo.
