-Reymund Titong
KABANKALAN CITY, Negros Occidental — 150 tanan ka mga school supply kits ang ginpanagtag sang Negrosanon Young Leaders Institute Inc. (NYLI Inc.), sa mga tumandok nga estudyante sa elementarya sang Hunyo 27, sa Sitio Balatogan, Barangay Buenavista, Himamaylan City.
Ang nasambit nga programa ang parti sang ‘Tatap Negrosanon’ nga inisyatibo sang NYLI nga may tinutoyo nga mahatagan sang naga-kaigo nga kinahanglanon ang mga estudyante sa ila nga pag-eskwela, antis nagsugod ang panibag-o nga school year.
Ang mga benepisyaryo sang programa ang mga miyembro sang Ituman, Magahat, Bukidnon Asosasyon sa Balatogan (IMBAB) sa diin nakabaton sila sang lapis, notebooks, crayons, papel para sa mga incoming Kinder to Grade 6, bond papers, kag mga coloring books para sa mga day care pupils.
Sa press statement sang NYLI, gin-pahayag ni Jelord Jayme Medes nga, “Dako gid katama nga bulig sa amon nga mga IP labi na sa mga pamatan-on sa bukid kay magamit gid nila sa ila pag-eskwela.
Ang Sitio Balatogan ang isa sa mga lugar sa syudad nga malayo sa Poblacion kag inoras ang kinahanglan nga lakton antis malab-ot. Manggaranon man ang ila lugar sa talento kag kina-iya bilang isa ka IP kag Himamaylanon.*
