Tulong drug personalities, arestado sa Ligao City

LEGAZPI CITY – Inarestar kan Philippine Drug Enforcement Agency Albay an tulong persona sa isinagibong drug buy-bust operation sa Purok 1, Brgy. Mahaba, syudad nin Ligao, Albay.

Binisto an mga suspek na sinda:

1. Federico Calwit, alyas “Piko”, 46 anyos, residente kan Purok 1 kan nasambit na barangay;
2. Anthony Roperez, 43 anyos, residente kan Purok 2 kan kaparehong barangay; asin
3. Archie Rodriguez, 50 anyos, residente kan Purok 3, Barangay Nasisi.

Kuminagat sa paon an saro sa mga suspek makalihis na pabakalan kaini ki droga an poseur buyer, asin kan magkaabutan na ki drug item, digdi na inarestar an mga suspek.

Narekober sainda an 13 pidasong sachet nin pigtutubudang shabu asin non-drug items asin presente na sindang nasa kostudiya kan PDEA para magkakanigong disposisyon.

BNFM Legazpi