Sugatan ang sampung tao makaraang bumigay ang isang tulay na nabalot ng snow sa Pittsburgh ilang oras lamang bago ang nakatakdang pagbisita ni US President Joe Biden.
Tinukoy naman ng mga otoridad na minor injury ang tinamo ng mga biktima.
Ayon sa report ni Fire Chief Darryl Jones, apat na sasakyan ang nasa tulay nang bumagsak ito.
Sinikap ding suyurin ng mga otoridad ang ilalim ng tulay para masigurong walang naipit o natabunan ng mga debris.
Patuloy pang iniimbestigahan ng mga otoridad ang dahilan ng pagbagsak ng tulay.
