Gingawad sa probinsiya it Antique ro certificate of recognition nga ginta-o it Department of Agriculture (DA) Region 6 ag Office of the Provincial Veterinarian (PROVET).
Ro nasambitan nga sertipiko hay pagkilaea sa pagsikap ag pagtiyaga it probinsiya sa padayon nga pahimo it mgha pamaagi nga malikawan ro African Swine Fever (ASF) virus.
Gindayaw man ro pagsikap it Antique African Swine Fever Task Force para sa andang padayon nga pagpatuman it Provincial Ordinance 242-2020, sambilog ka ordinansa nga nagabawae sa pagpasuoed it mga produktong baboy sa probinsiya.
Maliban dikara, ginsigurado ni Dr. Florencio Macuja, Provincial Veterinarian nga pabaskugon pa it andang taeatapan ro pagpatuman it nasambitan nga ordinansa para maprotektahan ro industriya it baboy sa probinsiya./JIL B. LACSON
